ডিব্ৰুগড়ঃ অসমীয়া জাতিৰ সংকট কালত জাতীটোৰ ওচৰত থিয় দি সংকট মোচনৰ স্বাৰ্থত সততে সক্ৰিয় হৈ থকা একমাত্ৰ জাতীয়তাবাদী সংগঠনটোৱে হৈছে অসম জাতীয়তাবাদী যুৱ-ছাত্ৰ পৰিষদ৷ জাতিক উদ্ধাৰৰ স্বাৰ্থত আজিৰ পৰা প্ৰায় ৪০ বছৰ পুৰ্বে ৰাজ্যত ভূমিষ্ঠ হৈছিল অসম জাতীয়তাবাদী যুৱ-ছাত্ৰ পৰিষদৰ৷ ৰাজ্যৰ কেইবাগৰাকী জাতিক ভাল পোৱা লোক একত্ৰিত হৈ জন্ম দিয়া সংগঠনটোৱে বিগত সময়ত অসমৰ প্ৰতিটো সমস্যাৰ হৈ মাত দি আহিছে৷
চৰকাৰৰ জনবিৰোধি নীতি, অবৈধ বিদেশী নাগৰিকৰ চিনাক্তকৰণ, হিন্দু বাংলাদেশী সংস্থাপন ৰোধ, তৈল খাদ নিলাম আদি বিষয়ত নেৰানেপেৰা আন্দোলন কৰি আহিছে সংগঠনটোৱে৷ জাতিৰ অস্বিত্ব ৰক্ষা, খিলঞ্জীয়াৰ সুৰক্ষা আৰু অধিকাৰক প্ৰাধান্য দি আপোচবিহীন সংগ্ৰাম কৰি আহিছে অসম জাতীয়তাবাদী যুৱ-ছাত্র পৰিষদে৷ ৰাজ্য খনৰ সংকটৰ কালত অসম অাৰু অসমীয়া জাতিৰ সৰ্বাত্মক স্ব-নিয়ন্ত্রণৰ অধিকাৰ সাব্যস্তকৰণৰ দাবীত জন্মলগ্নৰে পৰা অবিৰত গণতান্তিকভাৱে অান্দোলনৰ কাৰ্যসূচী ৰূপায়ণ কৰি অাহিছে৷
