newsnextone.com | কামপুৰঃ নগাঁও জিলাৰ কঠিয়াতলী অঞ্চলত শ-শ লোকে জীৱন আৰু সম্পত্তিৰ সুৰক্ষাত চকুলো টুকিব লগা হয়৷ প্ৰতিটো বছৰে খাদ্যৰ সন্ধানত পাহাৰৰ পৰা ওলাই অহা হাতীৰ জাকে মানুহৰ প্ৰাণ লোৱাৰ লগতে কৃষিপথাৰ, ঘৰ-দুৱাৰৰ ব্যাপক অনিষ্ট সাধন কৰি আহিছে৷ প্ৰতিটো বছৰে বনৰীয়া হাতীৰ জাক ওলাই অহাৰ পিছতে ৰাইজে বন বিভাগক খবৰ দিয়ে যদিও বন বিভাগে গুৰুত্ব নিদিয়াৰ অভিযোগ উত্থাপন হৈ আহিছে৷
যাৰ ফলত শুকুৰবাৰে পুৱাই হাতীৰ আক্ৰমণত প্ৰাণ গ’ল এগৰাকী মহিলাৰ৷ কঠিয়াতলী অঞ্চলৰ লুংপুঙত পুৱাই গাঁধুবলৈ যোৱাৰ সময়তে হাতীৰ জাকে শুৰেৰে আক্ৰমণ কৰাৰ ফলত নিহত হয় মহিলগৰাকীৰ৷ জানিব পৰা মতে, শুকুৰবাৰে পুৱাই নগাঁৱৰ ৰেংবেং চাহ বাগিচাৰ লুংপুঙৰ দৰিদ্ৰ পৰিয়ালৰ মহিলাগৰাকীয়ে জুৰিত গাঁ-ধুবলৈ যােৱাৰ সময়তে বন্য হস্তীৰ সৈতে মুখামুখী হয়৷ তেনেতে জাকৰ মাজৰ পৰা ফালৰি কাটি অহা এটা হাতীয়ে শুৰেৰে আক্ৰমণ কৰি প্ৰাণ লয় মালতী কৌৰ(৪৫) নামৰ মহিলাগৰাকীৰ।
