কাৰ অদৃশ্য ইংগিতত নিয়ন্ত্ৰিত হৈছে এ পি এছ চিৰ তদন্ত?

গুৱাহাটীঃ অসম লোকসেৱা আয়োগ(এ পি এছ চি)ৰ নিলম্বিত অধ্যক্ষ ৰাকেশ পালৰ কাৰ্যকালত সংঘটিত বহু কোটিটকীয়া নিযুক্তি কেলেংকাৰিৰ তদন্তই গতি লৈছে যদিও তদন্তত এক প্ৰভাৱশালী পক্ষৰ হেঁচা পৰাৰ অভিযোগ উঠিছে।এক সূত্ৰৰ মতে, এই প্রভাৱশালী পক্ষই কেলেংকাৰিটোৰ ডিব্ৰুগড় আৰক্ষীৰ তদন্ত সম্পূৰ্ণ নিয়ন্ত্ৰণত ৰাখিবলৈ সক্ষম হৈছে।

ফলত কিছু সময়ত তদন্তকাৰী আৰক্ষী কেলেংকাৰিটোৰ পৰা উপকৃত একাংশৰ কাষ চাপিবলৈ সক্ষম হোৱা নাই। এই সকলৰ মাজত ২০১৫ আৰু ২০১৬ত এ পি এছ চিয়ে নিযুক্তি দিয়া একাংশ এ চি এছ আৰু এ পি এছ বিষয়াও আছে।