66
ওদালগুৰিঃ ৰাজ্যত পূৰ্ণ গতিত চলিছে আধাৰ কাৰ্ড প্ৰদানৰ কাম। বেংক প্ৰতিষ্ঠান, টেলিকম প্ৰতিষ্ঠানসমূহৰ লগতে আন ব্যৱসায়ীক প্ৰতিষ্ঠানে নিজৰ গ্ৰাহকক চলিত বৰ্ষৰ ৩১ মাৰ্চৰ ভিতৰতে নিজৰ আধাৰকাৰ্ডৰ নম্বৰ সংযোগৰ আহ্বান জনাই আহিছে। ফলত চৰকাৰে অনুমোদন জনোৱা আধাৰ কাৰ্ড নিৰ্মাণ প্ৰতিষ্ঠানসমূহত দেখা গৈছে গ্ৰাহকৰ দীঘলীয়া শাৰী।
ওদালগুৰি সদৰৰ একমাত্ৰ আধাৰ কাৰ্ড নিৰ্মাণ প্ৰতিষ্ঠান হিচাপে চৰকাৰে অনুমোদন জনোৱা ভাৰতীয় ষ্টেট বেংকৰ ওদালগুৰি শাখাতো দেখা গৈছে গ্ৰাহকৰ লানি নিছিগা শাৰি। অৱশ্যে শাখাটোৱে প্ৰতিদিনে ২০ খনকৈ আধাৰ কাৰ্ড নিৰ্মাণৰহে ব্যৱস্থা কৰাত স্বাভাৱিকতে গ্ৰাহকসকল অনিশ্চয়তাত পৰা দেখা গৈছে।
