খিলঞ্জীয়াৰ অস্তিত্ব ৰক্ষাৰ্থে আছুৰ নেতৃত্বত বিশাল গণসমাবেশে কঁপালে গুৱাহাটী

গুৱাহাটীঃ বিদেশীক বৰপীৰা পাৰি আদৰাৰ বাবে কেন্দ্ৰীয় চৰকাৰৰ নাগৰিকত্ব আইন সংশোধনৰ তীব্ৰ বিৰোধীতা কৰি আজি আকৌ গৰজি উঠিল সদৌ অসম ছাত্ৰ সন্থাকে ধৰি ২৯ টা জাতি-জনগোষ্ঠীয় সংগঠন।

অবৈধ হিন্দু বাংলাদেশীৰ বোজা অসমৰ ওপৰত জাপি দিয়াৰ এই অসমীয়া জাতিবিৰোধী সংশোধনী বিধেয়কখন কোনো কাৰণতে গৃহীত হ’বলৈ দিয়া নহ’ব বুলি চৰকাৰক সকিয়াই দিয়ে বিভিন্ন জাতীয়তাবাদী দল-সংগঠনবোৰে। অসম চুক্তি ৰূপায়নেৰে অসমৰ জলন্ত বিদেশী নাগৰিকৰ স্থায়ী সমাধান আৰু চিলাপথাৰ কাণ্ডৰ অভিযুক্তসকলৰ কঠোৰ শাস্তিৰ দাবীৰে আজি উত্তাল হৈ পৰে গুৱাহাটীৰ ৰাজপথ।