কোকৰাঝাৰঃ গোৱালপাৰাৰ নৰনাৰায়ন সেতুৰ নিকটৰ খাৰবুজাত আজি অসম আৰক্ষীয়ে আন্দোলনকাৰীৰ ওপৰত বৰ্বৰভাৱে গুলীচালনা কৰাৰ ফলত ইয়াকুব আলী নামৰ (২২) বছৰীয়া যুৱক এজন নিহত হোৱা আৰু কেইবাজন লোক আহত হোৱা ঘটোনাক সদৌ বিটিচি সংখ্যালঘু ছাত্ৰ সন্থা চমুকৈ এবিএমছুৱে কঠোৰ ভাষাৰে গৰিহণা দিছে ৷

এক বিবৃতিযোগে ছাত্ৰ সংগঠনটোৰ সভাপতি লাফিকুল ইছলাম আহমেদে উক্ত ঘটনাক তীব্ৰ গৰিহণা দি কয় যে সাধাৰণ জনতাই ডি ভোটাৰ সমস্যা সমাধান আৰু শুদ্ধ ৰাষ্ট্ৰীয় নাগৰিকপঞ্জী  প্ৰস্তুত কৰাৰ দাবীত গনতান্ত্ৰিক আন্দোলন কৰিবলৈ যাওঁতে আৰক্ষীয়ে অতি বৰ্বৰভাৱে গুলীয়াই ২২ বছৰীয়া এজন যুৱকক হত্যা কৰিলে সেয়া  এবিএমছুৱে কোনোপধ্যে সহ্য নকৰে বুলি কয় ৷

নিহত যুৱকজনৰ পৰিয়াল বৰ্গক তৎকালীনভাৱে ১০ লাখ টকাৰ এককালীন আৰ্থিক সাহাৰ্য প্ৰদান কৰাৰ দাবী জনাই ছাত্ৰ নেতা আহমেদে কয় যে অসমৰ সংখ্যালঘু মুছলমানক নিশেষ কৰাৰ ষড়যন্ত্ৰ চলাইছে অসমৰ সৰ্বানন্দ নেতৃত্বাধীন বিজেপি চৰকাৰে ৷ এবিএমছুৱে চৰকাৰৰ ষড়যন্ত্ৰক কোনোপধ্যে সফল হবলৈ নিদিও বুলিও সকিয়াই  দি ঘটনাটোৰ লগত জড়িত থকা আৰক্ষী বিষয়াক অতি সোনকালে গ্ৰেপ্তাৰ কৰি কঠোৰ শাস্তি দিবলৈ দাবী উত্থাপন কৰিছে  ছাত্ৰ নেতা লাফিকুল ইছলাম আহমেদে ৷