64
কোকৰাঝাৰঃ কোকৰাঝাৰ সদৰ চহৰৰ নিকটৱৰ্তী জাংকৃথাই পথাৰত অাজিৰে পৰা চাৰিদিনীয়া কাৰ্যসূচীৰে আৰম্ভ হোৱা নিখিল বড়ো ছাত্ৰ সন্থা চমুকৈ এবছুৰ ৪৯ সংখ্যাক বাৰ্ষিক অধিৱেশন আৰু সোণালী জয়ন্তী উদযাপন বৰ্ষৰ অধিৱেশনথলী প্ৰথম দিনাই লোকাৰণ্য হৈ পৰে ।
অতি সুশৃংখলিতভাৱে কাৰ্যসূচী অনুসৰি সময়ৰ হেৰফেৰ নোহোৱাকৈ অধিৱেশন পৰিচালনা কৰা এবছুৰ ৪৯ সংখ্যাক বাৰ্ষিক অধিৱেশন তথা সোণালী জয়ন্তী বৰ্ষ উদযাপনথলীত আজি দেশৰ বিভিন্ন প্ৰান্তৰ নেতাৰ লগতে ৰাজ্যৰ কেবাগৰাকী ছাত্ৰ সংগঠনৰ নেতা, বুদ্ধিজীৱি, বিশিষ্ট সাংবাদিক-অতিথিৰ অাগমন ঘটে । কোকৰাঝাৰৰ জাংকৃথাই পথাৰত অায়োজিত হোৱা এবছুৰ অধিবেশন তথা সোণালী জয়ন্তী বৰ্ষ উদযাপন আনুষ্ঠানিকভাৱে আছুৰ সভাপতি দীপাংক কুমাৰ নাথে উদ্বোধন কৰাৰ বিপৰীতে এবছুৰ সভাপতি প্ৰমোদ বড়োই বন্তি প্ৰজ্বলনেৰে অধিৱেশনৰ শুভাৰম্ভ কৰে ।
