58
ডিজিটেল ডেস্কঃ পুণৰ মত্যুৰ বিভীষিকা উত্তৰ প্ৰদেশৰ গোৰখপুৰৰ বিআৰডি হস্পিতালত৷ আগষ্ট মাহত উত্তৰ প্ৰদেশৰ গোৰখপুৰৰ বিআৰডি হস্পিতালত ৬৩গৰাকীকৈ শিশুৰ মৃত্যু হোৱাৰ চাঞ্চল্য মাৰ নৌযাওঁতেই পুনৰ যোৱা ৪ দিনত ৬৯গৰাকী শিশুৰ মৃত্যু হয়৷ মাথো দুমাহ পুৰ্বে দেখা পোৱা এই ছবিখন দেশে পাহৰিব পৰা নাই৷
তাৰ মাজতে পুনৰ সৃষ্টি হোৱা বিভীষিকাত ৬৯গৰাকী শিশু মৃত্যু মুখত পৰে৷ চিকিৎসালয় কৰ্তৃপক্ষৰ অৱহেলাৰ বাবে ভয়াৱহ হৈ পৰিছে উত্তৰ প্ৰদেশৰ গোৰখপুৰৰ বিআৰডি হস্পিতাল। প্ৰতিদিনে গড়ে ১২ৰ পৰা ২০টিকৈ শিশুৰ মৃত্যু হৈছে৷ ৭ অক্টোবৰত ১২টা, ৮ অক্টোবৰত ৮টা, ৯ অক্টোবৰত ১৮টা আৰু ১০ অক্টোবৰত ১৯টা শিশুৰ মৃত্যু হয় গোৰখপুৰৰ বিআৰডি হস্পিতালত৷ বিআৰডি হস্পিতালৰ অধ্যক্ষ পি কে সিং বৃহস্পতিবাৰে জনোৱা মতে বিগত ২৪ ঘন্টাত ১৯ শিশুৰ মৃত্যু হৈছে যাৰ ভিতৰত ১৩টি পানী কেচুৱা৷
