২০১৭ৰ ১২ আগষ্টৰ মহাপ্ৰলয়ৰ স্মৃতি পাহৰা নাই কলিয়াবৰবাসীয়ে, আকৌ বিপদ মাতিছে বনৰীয়া হাতীয়ে

newsnextone.com | কলিয়াবৰঃ ২০১৭ চনৰ ১২ আগষ্টৰ নিশা মহা প্ৰলয়ৰ সৃষ্টি হৈছিল কলিয়াবৰত৷ কলিয়াবৰৰ বৰঘোপ পাহাৰৰ পৰা হাতীমুৰালৈকে মথাউৰি ছিঙি নিয়াৰ ফলত ভয়ংকৰ বিপদত পৰিছিল কলিয়াবৰবাসী। নগাঁও জিলাৰ কলিয়াবৰ অঞ্চলৰ ৰাইজে ভয়ংকৰ বানপানীৰ কবলত পৰাৰ স্মৃতি আজিও পাহৰিব পৰা নাই৷ 

নগাঁও জিলাক কলঙৰ বাঢ়নী পানীৰ পৰা ৰক্ষা কৰি অহা হাতীমুৰা মথাউৰি ২০১৭ চনৰ ১২ আগষ্টৰ নিশা প্ৰায় ২ বজাত ছিঙি গৈছিল৷ তাৰ পিছতে ৰনচণ্ডী ৰূপ ধাৰণ কৰিছিল কলঙে৷ কলঙে মানুহৰ ঘৰ-বৰ বুৰাই পেলাইছিল। পকী দলং কলঙৰ বুকুত জাহ গৈছিল। ৩৭নং ৰাষ্ট্ৰীয় ঘাইপথ পানীৰ তলত থকাৰ ফলত আহ-যাহ বন্ধ হৈ পৰিছিল৷