বকলিয়াঘাটঃ সদৌ তিৱা ছাত্ৰ সন্থা, ৰজাপথাৰ শাখাৰ উদ্যোগত, বকলিয়াঘাট ৰাজ্যিক পশু চিকিৎসালয়ৰ সহযোগত বৃহস্পতিবাৰে ৰজাপথাৰ চামগাঁৱত অনুষ্ঠিত কৰা হয় পশুধন টিকাকৰণ শিবিৰ।
সংগঠনটোৰ উদ্যোগত সপ্তাহযোৰা কাৰ্যসূচীৰে পশুধনৰ টিকাকৰণৰ শিবিৰৰ আয়োজন কৰা হৈছে। আজি উক্ত কাৰ্যসূচীৰ শুভাৰম্ভ কৰে তিৱা সাহিত্য সভাৰ জনাৰ্দন পাটৰে। বকলিয়াঘাট ৰাজ্যিক পশু চিকিৎসালয়ৰ পশু চিকিৎসা বিষয়া ডঃ অবিনাশ তিমুঙৰ তত্বাৱধানত এটা দলে অঞ্চলৰ কেইখনমান গাঁৱক সামৰি পশুধনসমূহৰ টিকাকৰণ কৰে।
উক্ত শিবিৰত টিকাকৰণৰ ওপৰিও সংগঠনৰ সদস্যসকলৰ সৈতে চিকিৎসা কৰ্মীৰ দলটোৱে ঘৰে ঘৰে গৈ পশুধনসমূহৰ টিকাকৰণ কৰে। ৰজাপথাৰৰ বিভিন্ন গাঁওসমূহত এই টিকাকৰণ পৰ্ব কাৰ্যসূচী অব্যাহত থাকিব। উক্ত কাৰ্যসূচীৰ প্ৰতি অঞ্চলৰ ৰাইজে বিপুল সহাৰি আগবঢ়ায়। বৃহত্তৰ কৃষি প্ৰধান অঞ্চলটোত কৃষকৰ বন্ধু সদৃশ পশুধনৰ সুৰক্ষাৰ বাবে তিৱা জাতীয় সংগঠনসমূহে গ্ৰহণ কৰা এনে পদক্ষেপত ৰাইজে সন্তোষ প্ৰকাশ কৰে।