117
গুৱাহাটীঃ অসমৰ বিশেষজ্ঞই নামনি সোৱণশিৰি জল বিদ্যুৎ প্ৰকল্প নিৰ্মাণৰ বিপৰীতে প্ৰতিবেদন দিয়াৰ পাছতো কেন্দ্ৰীয় চৰকাৰে যি কোনো বিনিময়ত প্ৰকল্পটো নিৰ্মাণ কৰিব খোজে৷ অসমৰ জনসাধৰণৰ জনমতক উপেক্ষা কৰি পূৰ্বৰ কংগ্ৰেছ আৰু এতিয়াৰ শাসনত থকা বিজেপি দলে জল বিদ্যুৎ প্ৰকল্প নিৰ্মাণ কৰিবলৈ ঠেহ পতা দেখা যায়৷
উত্তৰ অসমৰ ৰাইজৰ মৃত্যুদূতস্বৰূপ হৈ পৰিব পৰা নামনি সোঁৱণশিৰি জল বিদ্যুৎ প্ৰকল্প বন্ধ কৰাৰ দাবীত ৰাজ্যত আজিও আন্দোলন অব্যাহত আছে৷ ২০১১ চনৰ পৰা বন্ধ কৰাৰ দাবীত অসমৰ ৰাইজ তথা বিভিন্ন জাতীয়-জনগোষ্ঠীয় সংগঠনে ব্যাপক প্ৰতিবাদ অব্যাহত ৰাখিছে।
