বোকাজানঃ বিজেপিয়ে ৰাজ্যৰ শাসন ভাৰ লোৱাৰ পাছৰে পৰা অসমত খিলঞ্জীয়া জনসাধাৰণৰ ওপৰত অনা-অসমীয়াৰ আক্ৰমণ বৃদ্ধি পাইছে৷ জাতি-মাটি-ভেটি ৰক্ষাৰ প্ৰতিশ্ৰুতি দি শাসনলৈ অহা জাতীয় নায়ক সৰ্বানন্দ সোণোৱাল নেতৃত্বাধীন মিত্ৰ জোঁটৰ চৰকাৰ গঠন হোৱাৰ পাছতে চিলাপথাৰৰ পাছত নগাঁৱত খিলঞ্জীয়া অসমীয়াৰ ওপৰত সংঘটিত হোৱা আক্ৰমণক লৈ আজিও উত্তাল হৈ আছে ৰাজ্য।
অসম জাতীয়তাবাদী যুৱ-ছাত্ৰ পৰিষদ, কেন্দ্ৰীয় সমিতিৰ আহ্বান মৰ্মে আজি সমগ্ৰ অসমত নগাঁও কাণ্ডৰ প্ৰতিবাদ সাব্যস্ত কৰে৷ যুৱ-ছাত্ৰ পৰিষদৰ কাৰ্বি আংলং জিলা সমিতিয়ে আজি বকলীয়াঘাটত এক বৃহৎ জোৰ সমদল জোৰ সমদল উলিয়ায় আকাশ বতাহ কপাই তোলে৷ চাবুৱা, হোজাই আদি ঠাইত প্ৰতিবাদী দল সংগঠন তথা জনতাই পৰেশ বৰুৱা তথা আলফা জিন্দাবাদ ধ্বনিৰে ৰাজপথ উত্তাল কৰাৰ পাছত আজি পুনৰ পাহাৰীয়া জিলা কাৰ্বি আংলংৰ বকলীয়াঘাটৰ ৰাজপথ উত্তাল হ’ল পৰেশ বৰুৱা জিন্দাবাদ ধ্বনিৰে৷
