হোজাইঃ আজমল আৰু হিমন্ত বিশ্ব শৰ্মা দুয়ো ভাল বন্ধু৷ বিগত বিধানসভা নিৰ্বাচনত আজমলে নৰেন্দ্ৰ মোদীৰ লগত ব্যৱসায়ীক চুক্তি কৰি অসমৰ সংখ্যালঘু ভোটখিনি বিভাজন কৰাৰ বাবেই বিজেপিয়ে চৰকাৰ গঠন কৰিব পাৰিলে৷যাৰ বাবে আজিৰ বিজেপি চৰকাৰখনে হিন্দু বাংলাদেশী আনি অসমখনক এখন হিন্দু ৰাষ্ট্ৰ বনাৱ খুজিছে৷এই মন্তব্য কৃষক মুক্তি সংগ্ৰাম সমিতিৰ উপদেষ্টা তথা গণ মুক্তি সংগ্ৰাম সমিতিৰ আহ্বায়ক অখিল গগৈৰ৷
আজি নীলবাগানত কৃষক মুক্তিৰ যমুনামুখ সমষ্টি কমিটিৰ উদ্যোগত বিজেপি চৰকাৰৰ উচ্ছেদ নীতি,সাম্প্ৰদায়িকতা তথা হিন্দু বাংলাদেশীক অসমত সংস্থাপন দিয়াৰ বিৰুদ্ধে অনুষ্টিত ৰাইজমেলখনত উপস্থিত থাকি ভাষন প্ৰসংগত এই মন্তব্য কৰি অখিল গগৈয়ে কয় যে হিন্দু বাংলাদেশী নাগৰিকক অসমত সংস্থাপন কৰি অসমখনক এখন হিন্দু ৰাষ্ট্ৰ কৰিব বিচাৰিছে বিজেপি চৰকাৰখনে৷ এই নাগৰিকত্ব বিধেয়কখনক তেওঁ বাংলাদেশীৰ নিমন্ত্ৰণী পত্ৰ বুলি উল্লেখ কৰে৷
