57
গোৱালপাৰাঃ মঙলবাৰে আৰক্ষীয়ে কৃষক নেতা অখিল গগৈক গোৱালপাৰা আদালতত হাজিৰ কৰিব৷ ২৪ ডিচেম্বৰত কৃষক নেতা অখিল গগৈক আদালতে দুদিনৰ ন্যায়িক জিম্মাত প্ৰেৰণ কৰিছিল৷ ৰাজ্যত প্ৰতিক্ৰিয়া-প্ৰতিবাদৰ মাজতে কৃষক নেতাজনক ডিব্ৰুগড়ৰ পৰা গোৱালপাৰা জিলা আৰক্ষীয়ে এখন বিদ্যালয়ৰ নামফলক মচি পেলোৱাৰ গোচৰত আটক কৰিছিল গোৱালপাৰা আৰক্ষীয়ে৷
কৃষক নেতাজনক দুধনৈ আৰক্ষী থানাত ৰুজু হৈ থকা ১১২/২০১৭ নম্বৰৰ এটা গোচৰত ভিত্তিত আটক কৰিছিল৷ অখিল গগৈৰ বিৰুদ্ধে এটাৰ পাছত আন এটা গোচৰ জাপি দি আৰক্ষীয়ে গ্ৰেপ্তাৰ কৰাত ৰাজ্যৰ দল-সংগঠনে তীব্ৰ প্ৰতিবাদ কৰি থকাৰ সময়তে ২৪ ডিচেম্বৰত আদালতে জামিন দিয়াৰ পিছতো গোৱালপাৰা আৰক্ষীয়ে আটক কৰিছিল৷
