100
গুৱাহাটীঃ বিভিন্ন জাতি-জনজাতিৰ সমন্বয়ৰ প্ৰতিভূ এই খন বৰ অসম। পাহাৰে-ভৈয়াম একাকাৰ কৰি বসতি কৰি আছে বৰ্ণিল জাতি, জনগোষ্ঠী৷ প্ৰতিটো জাতি-জনগোষ্ঠীৰ আছে লোককলা, কৃষ্টি, সংস্কৃতি সভ্যতা নানান পৰম্পৰা৷ ভাষা, সাহিত্য, সংস্কৃতিৰ জৰিয়তেই সমৃদ্ধ প্ৰতিটো জাতি-জনগোষ্ঠী৷ অসমৰ ভৈয়ামত বসবাস কৰা দ্বিতীয় বৃহত্তম জনগোষ্ঠী হৈছে মিচিং জনগোষ্ঠী৷ পাহাৰ ভৈয়ামত একাকাৰ হৈ মিচিং জনগোষ্ঠীৰ
আছে নিজা পৰম্পৰা ভাষা, সংস্কৃতি, মৌখিক সাহিত্য আৰু কিম্বদন্তিমূলক কিছু ইতিহাস। যাৰ জৰিয়তে বৰ্ণিল মিচিং জনগোষ্ঠীয়ে নিজা পৰিচয় বহন কৰি পালন কৰি আহিছে বিভিন্ন উৎসৱ-পাৰ্ৱন। মিচিং সকলে পালন কৰা উৎসৱ সমূহৰ ভিতৰত উল্লেখনীয় কৃষিভিত্তিক উৎসৱ হ’ল ‘আলি-আয়েঃ-লৃগাং’।
