60
ডিফুঃ মুখ্যমন্ত্ৰী সৰ্বানন্দ সোণোৱাল ফেচিষ্ট আৰু অতি সাম্প্ৰদায়িক। চৰকাৰৰ ভেৰোণীয়া আৰক্ষী বাহিনীয়ে নিৰীহ গণতান্ত্ৰিক আন্দোলনকাৰীৰ ওপৰত নিৰ্বিচাৰ গুলীবৰ্ষণ কৰি হত্যা কৰাৰ পাছতো বিচাৰ নকৰে মুখ্যমন্ত্ৰী সৰ্বানন্দ সোণোৱালে। এই মন্তব্য সদৌ অসম সংখ্যালঘু ছাত্ৰ ইউনিয়ন চমুকৈ আমছুৰ।
আজি নিউজ নেক্সট ৱানলৈ প্ৰেৰণ কৰা এক বিবৃতিত সংগঠনটোৱে গোৱালপাৰা কাণ্ডৰ প্ৰতিক্ৰিয়া প্ৰকাশ কৰি মুখ্যমন্ত্ৰী সৰ্বানন্দ সোণোৱালক তীব্ৰ সমালোচনা কৰে। বিবৃতিটোত সংগঠনটোৱে গোৱালপাৰাত আৰক্ষীৰ গুলীত নিহত ইয়াকুবৰ মৃত্যুৰ বাবে দায়ী আৰক্ষী বিষয়া ডিম্বেশ্বৰ ৰয় আৰু আৰক্ষী কনিষ্টবল অনুপ চেতিয়াক ৪ দিন অতিক্ৰম কৰাৰ পিছতো গ্ৰেপ্তাৰ নকৰাৰ অভিযোগ উত্থাপন কৰাৰ লগতে নিহতৰ নিকটাত্মীয়ক ১০ লাখ আৰু আহত সকলক ৫ লাখকৈ ক্ষতিপূৰণ দিয়াৰ দাবী জনায়।
