ঢেকীয়াজুলিঃ আকাশৰ তৰাৰ সৈতে খেলা কৰা সপোনৰ ঘৰ খনলৈ আহিল অসমৰ বক্সিঙৰ ৰাণীয়ে৷ বৃহস্পতিবাৰে নিজ গৃহত উপস্থিত হ’ল স্বৰ্ণজয়ী অংকুশিতা বড়ো৷ বিশ্ব যুৱ মহিলা বক্সিং চেম্পিয়নশ্বিপৰ স্বৰ্ণজয়ী অংকুশিতা বড়োৱে শোণিতপুৰ জিলাৰ ঢেকীয়াজুলি সমষ্টিৰ ঠেলামৰা ৰাজহ চক্ৰৰ উলুবাৰীত উপস্থিত হোৱাৰ পিছতে শ-শ লোকে উস্ম আদৰণী যাচে৷
গাড়ীৰে সমদল কৰি আদৰি অনাৰ লগতে পথৰ দাতিত সমদল ৰখাই অনেক লোকে গামোচা পিন্ধাই শুভেচ্ছো যাচে অংকুশিতাক৷ বক্সিঙেৰে বিশ্বজয় কৰা স্বৰ্ণজয়ী অংকুশিতা বড়োক ঢেকীয়াজুলিবাসীয়ে উষ্ম আদৰণী জনায়৷ কোকৰাঝাৰৰ পৰা ঢেকীয়াজুলি সমষ্টিৰ ঠেলামৰা ৰাজহচক্ৰৰ মেঘাইজাৰণীৰ বাসগৃহলৈ আহি থকা অৱস্থাত ওৰাংৰ পৰা খেলুৱৈগৰাকীক বাইক সৰু-বৰ গাড়ীৰে ৰেলী কৰি আদৰি আনে অগনন লোকে৷ ঢেকীয়াজুলি ক্ৰীড়া সন্থাৰ খেলপথাৰত ক্ৰীড়া সন্থাৰ লগতে বিভিন্ন দল সংগঠনে সম্বৰ্ধনা জ্ঞাপন কৰে অংকুশিতাক৷
