বিশ্বনাথ চাৰিআলিঃ নাগৰিকত্ব বিধি, ২০০৩ৰ পৰিশিষ্টৰ ৫ নং দফাৰ অধীনত ৰাষ্ট্ৰীয় নাগৰিকপঞ্জীৰ এখন অতিৰিক্ত তালিকা প্রকাশৰ বাবে সমগ্ৰ ৰাজ্যৰ লগতে বিশ্বনাথ জিলাতো সকলো প্ৰস্তুতি সম্পূৰ্ণ হৈ উঠিছে। ২০১৮ চনৰ ৩০ জুলাই তাৰিখে প্রকাশিত সম্পূর্ণ খচৰা এন আৰ চিত নাম অন্তর্ভুক্ত হােৱা কিন্তু পিছত অন্তর্ভুক্তিৰ বাবে অযােগ্য বিবেচিত হােৱা ব্যক্তিসকলৰ নাম সন্নিৱিষ্ট কৰি খচৰা এন আৰ চিৰ অতিৰিক্ত ‘বাদ’ পৰা সকলৰ তালিকা এখন কাইলৈ, অৰ্থাৎ ২৬ জুন, ২০১৯ তাৰিখে প্রকাশ কৰা হ’ব।
ৰাষ্ট্ৰীয় নাগৰিকপঞ্জীৰ তালিকাত অযোগ্য বিবেচিত হােৱাৰ কাৰণসমূহ হৈছে খচৰা এন আৰ চি প্রকাশৰ পিছত পৰিশিষ্টৰ ৪(৩) দফাৰ অধীনত কাৰ্যকৰী কৰা পৰীক্ষণ মর্মে কোনাে কাৰণবশতঃ প্রযােজ্য অনুসাৰে, যেনে ‘ডি ভি’ (সন্দেহজনক ভােটাৰ) বা ‘ডি এফ’ (ঘােষিত বিদেশী)বা ‘পিএফ টি (বিদেশী ন্যায়াধীকৰণত গােচৰ বিচাৰাধীন ব্যক্তি) বা তেওঁলােকৰ সতি-সন্ততিৰূপে পৰিগণিত হৈ অযােগ্য বিবেচিত হােৱা আৰু দাবী আৰু আপত্তি নিষ্পত্তিৰ বাবে অনুষ্ঠিত শুনানিত কেৱল সাক্ষী হিচাবে উপস্থিত হােৱাৰ সময়ত অযােগ্যৰূপে পৰিগণিত হােৱা।
