44
গুৱাহাটীঃ কৰ’না ভাইৰাছৰ ভয়াৱহতাৰ প্ৰতি লক্ষ্য ৰাখি দেশজুৰি বলৱৎ কৰা ২১ দিনীয়া লকডাউনৰ আজি পঞ্চম দিন৷ সমগ্ৰ দেশৰ লগতে ৰাজ্যৰ প্ৰায়বোৰ প্ৰান্ততে পুৱাৰে পৰা অধিকাংশ ৰাইজৰ স্বতঃস্ফূৰ্ত সহাৰি দেখা গৈছে এই লকডাউনলৈ৷ নাই কোনো জনসমাগম, স্তব্ধ যাতায়ত ব্যৱস্থা, বন্ধ আছে দোকান পোহাৰ৷ ইয়াৰ সমান্তৰালভাৱে জনস্বাস্থ্যৰ প্ৰতি লক্ষ্য ৰাখি তৎপৰ হৈ আছে চৰকাৰ, স্বাস্থ্য বিভাগৰ লগতে আৰক্ষী-প্ৰশাসন৷
অধিকাংশ লোকেই লকডাউনলৈ সহাৰি জনোৱাৰ বিপৰীতে ৰাজ্যৰ কেইবাঠাইতো একাংশ লোকে সেয়া ভংগ কৰাৰো বাতৰি আহিছে ৷ যোৱা ৪ দিনত কিছু ঠাইত একাংশ লোক বাহিৰলৈ ওলাই অহা, দোকান-পোহাৰ খোলা আদি ঘটনাও পৰিলক্ষিত হয়৷ ঠায়ে ঠায়ে একাংশ লোকে আৰক্ষীৰ সৈতে খণ্ডযুদ্ধতো লিপ্ত হোৱা দেখা গৈছে৷ যাৰ পৰিপেক্ষিতত সেই লোকসকলৰ বিৰুদ্ধে কঠোৰ হৈ পৰিছে আৰক্ষী প্ৰশাসন৷
