বাবা এতিয়া জেলত!

ডিজিটেল ডেস্কঃ এ চি আছে৷ টিভিও আছে৷ আছে বিশুদ্ধ খোৱা পানীৰ ব্যৱস্থা৷ লগত এগৰাকী সহায়ক৷ এয়া কোনো তাৰকাযুক্ত হোটেলৰ কোঠাৰ বৰ্ণনা নহয়৷ এয়া পঞ্জাৱৰ ৰোহতক নামৰ জেইলখনৰ এটা চেল৷ য’ত কালিৰে পৰা কয়দীৰ জীৱন কটাইছে ‘ডেৰা সচ্ছা চৌদা’ৰ অধিকাৰী বাবা গুৰমিত ৰাম ৰহিম৷

২০০২ চনত দুগৰাকী নাৰীক বলাৎকাৰৰ দোষত অভিযুক্ত ধৰ্মীয় গুৰু গুৰমিত ৰাম ৰহিমৰ অভিযোগৰ শুনানি কালি পঞ্চকুলা বিশেষ চিবিআইয়ে প্ৰদান কৰে৷ কালি চিবিআইৰ শুনানিৰ পাছত অভিযুক্ত ৰাম ৰহিমক ৰোহতক জেললৈ প্ৰেৰণ কৰা হয়৷ পিছে জেইলত ভিআইপিৰ সন্মান লাভ কৰা বলাৎকাৰী ৰাম ৰহিমৰ ৰাতি টোপনিহে নাহিল৷ এক বিশেষ সূত্ৰই সাংবাদিকক জনোৱা মতে ৰাম ৰহিমে হেনো গোটেই নিশা জেলৰ বন্ধ চেলৰ ভিতৰত পাইচাৰি কৰিয়ে কটাই দিলে৷