75
newsnextone,নলবাৰী,১১অক্টোবৰঃ পশ্চিম নলবাৰী অঞ্চলৰ বৰনদ্দী এখন ঐতিহ্যমন্ডিত ৰাজহ গাওঁ ৷তাহানিতে এই অঞ্চলৰ মাজেৰে বৈ গৈছিল এখনি নৈ ৷ সেই অনুসৰি এই ঠাইখনৰ নাম বৰনদ্দী হৈছিল বুলি পন্ডিত সকলে কয়৷ ইতিহাসৰ আঁত ধৰি আজিৰ পৰা কেইবাশ বছৰ বছৰ আগতে সুদুৰ কণৌজৰ পৰা অহা ভূঁঞা পৰিয়ালৰ বংশৰে নীলকন্ঠ ভূঁঞাক আহোম ৰজাই ৰায়বৰুৱা খিতাপ দি এই বৰনদ্দী অঞ্চলত প্ৰতিষ্ঠা কৰে৷
তেতিয়াৰ পৰা বৰনদ্দীত দূৰ্গাপূজা উদযাপনৰ ধাৰাবাহিকতা অক্ষুন্ন আছে৷ এই নদ্দী শব্দটো সংস্কৃত ‘নদ্দ’ ধাতুৰ পৰা উ্ৎপত্তি হৈছে৷ আজিৰ পৰা ৫১৭ বছৰ পূৰ্বে বৰনৰদ্দীৰ প্ৰাতঃস্মৰণীয় ধৰ্ম প্ৰাণ ব্যক্তি সকলে শাৰদীয় ৰিতুত শুভাৰম্ভ কৰে শ্ৰীশ্ৰী দূৰ্গা পূজাৰ৷ সেয়েহে এই ঠাইখন বৰনদ্দী পূজাখোলা চুবুৰী ৰূপে পৰিগনিত হয়৷তাহানিৰ দিনৰে পৰা এক গভীৰ ধৰ্মীয় পৰিবেশত ধাৰাবাহিক ভাবে দেবীৰপূজা ভাগ অনুষ্ঠিত হৈ আহিছে৷
