জননী মা পদ্মশ্ৰী নৰছম্মাৰ বিয়োগ

বেগালুৰুঃ প্ৰায় ১৫,০০০ হাজাৰ শিশুৰ প্ৰসৱ কৰোৱা ছুলাগিট্টী নৰছম্মা ডাইৰ বুধবাৰে দেহাৱসান ঘটে৷ পদ্মশ্ৰী বঁটা লাভ কৰা এই অসাধাৰণ মহিলাগৰাকীয়ে প্ৰসূতিৰ গৰ্ভ স্পৰ্শ কৰিয়েই গৰ্ভস্থ শিশুৰ স্বাস্থ্যৰ বিষয়ে উমান পাইছিল৷ 

৯৮ বছৰ গৰকা ছুলাগিট্টী নৰছম্মাই বুধবাৰে বেগালুৰুত শেষ নিশ্বাস ত্যাগ কৰে৷ নৰছম্মাই কৰ্ণাটকৰ নাতিদূৰৈত অৱস্থিত কৃষ্ণাপুৰা গাঁৱত কম মাননিতে  ১৫,০০০ তকৈ অধিক শিশুৰ প্ৰসৱ কৰাইছিল৷ কৰ্ণাটকৰ স্থানীয় ৰাইজে জনোৱা মতে কোনোধৰণৰ চিকিৎসা বিজ্ঞানৰ জ্ঞান নোলোৱাকৈ নৰছম্মাই গৰ্ভাৱতীৰ গৰ্ভত থকা সন্তানৰ স্বাস্থ্য বিষয়ে জানিব পাৰিছিল আৰু তেওঁ ৭০ বছৰে জনসেৱা কৰিছিল৷