ডিজিটেল ডেস্কঃ মুম্বাইৰ পিছত এইবাৰ বাংগালুৰুত ভয়াৱহ অগ্নিকাণ্ড৷ অগ্নিকাণ্ডৰ কৱলত বেংগালুৰুৰ এখন বাৰ৷ দেওবাৰে নিশা প্ৰায় ২.৩০ মান বজাত বাংগালুৰুৰ কালাচিপালায়মৰ কৈলাছ বাৰ আৰু ৰেস্তোৰাত অগ্নিকাণ্ড সংঘটিত হয়৷ পিছ মূহূৰ্ততে জুইৰ লেলেহান শিখাই সমগ্ৰ বাৰখনকে আৱৰি ধৰে আৰু এক ভয়ংকৰ ৰুপ ধাৰণ কৰে৷

যাৰ ফলত বাৰখনৰ ভিতৰতে নিদ্ৰাৰত অৱস্থাত থকা মহিলা সহ ৫ কৰ্মীৰ মৃত্যু হয় ৷ ইফালে আৰক্ষী সূত্ৰে প্ৰকাশ যে, এই অগ্নিকাণ্ডৰ ফলত বাৰখনৰ প্ৰায় অধিকাংশই জুইত ভস্মীভূত হৈছে৷ অগ্নিকাণ্ডৰ প্ৰকৃত কাৰণ এতিয়ালৈকে জানিব পৰা হোৱা নাই৷ কিন্তু আৰক্ষীয়ে তদন্ত অব্যাহত ৰাখিছে৷ উল্লেখ্য, ২৯ ডিচেম্বৰত দক্ষিণ মুম্বাইৰ কমলা মিল কমপ্লেক্সৰ ৰুফ-টপ পাবত ভয়াৱহ অগ্নিকাণ্ডত ১৪ জনৰ মৃত্যু হৈছিল৷