54
নতুন দিল্লীঃ প্ৰতিদিনে কৰ’নাই নিজেই ভাঙিছে নিজৰেই একাধিক অভিলেখ। দিন যোৱাৰ লগে লগে ভবাতকৈয়ো অধিক হাৰত বাঢ়িবলৈ লৈছে আক্ৰান্তৰ সংখ্যা। যোৱা ২৪ ঘণ্টাত কৰ’নাৰ ফলত মৃত্যু হোৱা লোকে অতিক্ৰম কৰিছে আৰম্ভণিৰে পৰা আজিলৈ এদিনতে মৃত্যু হোৱা লোকৰ সৰ্বোচ্চ সংখ্যা। একেদৰে আক্ৰান্তৰ গঢ়িছে নতুন অভিলেখ।
কেন্দ্ৰীয় স্বাস্থ্যমন্ত্ৰণালয়ৰ বুলেটিন অনুযায়ী যোৱা ২৪ ঘণ্টাত দেশত কৰ’নাত আক্ৰান্ত হৈছে ৩৯০০ জন। ইয়াৰ লগে লগে একেকোবে আক্ৰান্তৰ সংখ্যা হৈছেগৈ ৪৬,৪৩৩ জন। এই সময়ছোৱাত মাৰাত্মক ভাইৰাছবিধত প্ৰাণ হেৰুৱাইছে ১৯৫ জন লোকে। ফলত দেশত কৰ’নাত আক্ৰান্ত হৈ মৃত্যু হোৱা লোকৰ সংখ্যা বাঢ়ি হৈছেগৈ ১৫৬৮ জন।
