বিনা বেতনেৰে গহপুৰত শিক্ষকৰ কৰুণ মৃত্যু

বিহালীঃ ২৭ বছৰ বিনা বেতনেৰে শিক্ষকতা কৰি অহা গহপুৰ মহকুমাৰ এগৰাকী দুৰ্ভগীয়া শিক্ষকৰ ৫ মাৰ্চৰ দুপৰীয়া আকস্মিকভাৱে হোৱা মৃত্যুৱে মৰ্মাহত কৰি তুলিছে শিক্ষকসমাজক।

কেশৱ কটকী (৫০) নামৰ এইগৰাকী শিক্ষকে মহকুমাটোৰ ব্ৰহ্মাজান চাহ-বাগিচা এম ই স্কুলৰ প্ৰধান শিক্ষক হিচাপে ১৯৯২ চনতে যোগদান কৰিছিল। শিক্ষকতাৰ দৰে মহান কৰ্মত জড়িত হৈ বিনা বেতনেৰে শিক্ষকতা কৰি অহা কেশৱ কটকীয়ে ৫ মাৰ্চৰ পুৱা বিদ্যালয়ৰপৰা তেজপুৰত অনুষ্ঠিত শোণিতপুৰ জিলা শিক্ষক-কৰ্মচাৰী ঐক্যমঞ্চৰ এখন সভাত অংশগ্ৰহণ কৰিবলৈ ঘৰলৈ আহিছিল।