বিলাসীপাৰাঃ যোৱা ১৭ ডিচেম্বৰত ধুবুৰী জিলাৰ বিলাসীপাৰা মহকুমাধিপতিৰ কাৰ্য্যলায়ত মায়াৰ চৰ গাওঁ পঞ্চায়তৰ নৱ নিৰ্বাচিত কাউন্সিলাৰ হাচিনা খাতুনৰ বিৰুদ্ধে অভিযোগ দাখিল তথা ভুৱা বাতৰি প্ৰচাৰ হোৱাত আজি এই বিষয়ক লৈ বিলাসীপাৰাত সংবাদ মেল অনুষ্ঠিত কৰা হয়।
উক্ত সংবাদ মেলত মায়াৰ চৰ গাওঁ পঞ্চায়তৰ নৱ নিৰ্বাচিত কাউন্সিলাৰ হাচিনা খাতুনে কয় যে জন মানসিক সেয় প্ৰতিপন্ন কৰাৰ বাবে যি অভিযোগ তথা বাতৰি প্ৰকাশিত হৈছে সেয়া সম্পূৰ্ণ ভুৱা তথ্য বা ভিত্তিহীন। মোৰ মায়াৰ চৰত ঘৰবাৰী মাটি সম্পত্তি সম্পুৰ্ণ আছে। হয়, ব্ৰহ্মপুত্ৰ নদীৰ গৰাখহনীয়াই মোৰ মায়াৰ চৰ ৫ম খণ্ডত থকা ঘৰবাৰী মাটি সম্পত্তি নদীৰ বুকুত জাহ গৈছে। যাৰ পৰিপ্ৰেক্ষিতত এটা ঘৰবাৰী বিলাসীপাৰা কৃষ্ণ নগৰত কৰিছো যদিও এটা ঘৰ এতিয়াও মায়াৰ চৰত আছে। বৰ্তমান সেই ঘৰ মায়াৰ চৰ ২য় খণ্ডত অৱস্থিত৷ সেই ঘৰখনত মোৰ শাশু, মোৰ স্বামীৰ সৰু ভাই এজন থাকে।