খেৰণিঃ আগন্তুক কাৰ্বি আংলং স্বায়ত্ব শাসিত পৰিষদৰ নিৰ্বাচনক বিজেপিৰ প্ৰচাৰ অভিযানৰ অংশ হিচাপে ৮ নং হামৰেণ সমষ্টিৰ অন্তৰ্গত নিজ-ৰংখাঙত সমষ্টিটোৰ বিজেপি প্ৰাৰ্থী তথা পৰিষদীয় কাৰ্য্যবাহী সদস্য মংগলছিং তিমুং উপস্থিত হয়। কাৰ্বি ৰজা ৰূপছিং ইংতি কথাৰৰ আশীৰ্বাদ লৈ প্ৰাৰ্থীগৰাকীয়ে চেক্-আফাং, হৰমেণৰ ৰং-চিন্দন, পৰ্বত, আমছেলাম আৰু ৰং-কাৰ্বিত নিৰ্বাচনী প্ৰচাৰ চলোৱা দৃষ্টিগোচৰ হয়।
কাৰ্বি পৰিষদীয় বিভাগীয় অধ্যক্ষ বিদ্যাছিং টেৰন, হামৰেণ সমষ্টিৰ গাওঁ উন্নয়ণ সমিতিৰ অধ্যক্ষ জয়ছিং ৰংহাং, প্ৰাক্তন কাৰ্য্যবাহী সদস্যা কাৱন ইংতিপি, বিজেপি নেতা চাৰমেন ফাংছ’, পিটৰ তিমুঙৰ সৈতে প্ৰচাৰ সভাত উপস্থিত হোৱা তিমুঙে ভাত উপস্থিত হোৱা সহস্ৰাধিক ৰাইজক উদ্দেশ্যি কয়- ৰাইজৰ লগতে ৰজাৰ আশীৰ্বাদ বিজেপিৰ শিৰত। এতেকে বিজয়ীৰ মুকুট বিজেপিৰ শিৰতে শুৱাব।
উল্লেখ্য যে আজি পৰ্বতত আয়োজিত বিজেপিৰ নিৰ্বাচনী প্ৰচাৰ সভাত বিৰোধী ৰাজনৈতিক দল কংগ্ৰেছ-এইছ এছ ডি চিৰ ৯ টাকৈ পৰিয়ালে নিজৰ দল ত্যাগ কৰি বিজেপিত আনুষ্ঠানিকভাৱে যোগদান কৰে৷