80
বৰদলনিঃ ১৫ নং ৰাষ্ট্ৰীয় ঘাইপথৰপৰা এক কিল’মিটাৰ নিলগৰ ধেমাজি জিলা বৰদলনি চৌখাম গাঁওখনলৈ আজিও চৰকাৰৰ চকু দিবলৈ সময় নাই। চৌখাম গাঁৱৰ মাজ মজিয়াতে থকা বাঁহৰ দলংখনেই এতিয়া গাঁওবাসীৰ যাতায়াতৰ বাবে কণাৰ লাখুটি, একমাত্ৰ অৱলম্বন হৈছে।
এই দলঙৰ ওপৰেদি কণ কণ ছাত্ৰ-ছাত্ৰীৰ লগতে ৭০ টা পৰিয়ালৰ লোকে অহা-যোৱা কৰিবলৈ বাধ্য। বছৰ বছৰ ধৰি গাঁওবাসীয়ে নিজে শ্ৰমদান কৰি বাঁহৰ দলংখন সাজি লৈ আৰু মাজে মাজে মেৰামতি কৰি যাতাযাত কৰি আহিছে।