দিগন্ত বৰ্মণ, বৰনৰ্দ্দীঃ নলবাৰী জিলাৰ ঘগ্ৰাপাৰ আঞ্চলিক ৰঙালী বিহু সন্মিলনীখন দেওবাৰে বিভিন্ন ব্যতিক্ৰমী কাৰ্যসূচীৰে সামৰণি পৰে।
স্থানীয় চিলিং মিলন মধ্যইংৰাজী বিদ্যালয়ত অনুষ্ঠিত এই বিহু সম্মিলনখনিৰ এইবেলি বিভিন্ন কাৰ্যসূচীৰ মাজতে বৃহত্তৰ অঞ্চলটোৰ সদ্যঘোষিত হাইস্কুল শিক্ষান্ত, উচ্চতৰ মাধ্যমিক পৰীক্ষাত কৃতিত্ব প্ৰদৰ্শন কৰা ছাত্ৰ-ছাত্ৰী, জ্যেষ্ঠ ব্যক্তি প্ৰায় ত্ৰিশগৰাকীক গছ পুলি, মানপ্ৰত্ৰ, গামোচা, ফুলৰ টোৰা আদিৰে বিশেষ সম্বৰ্ধনা জনায়।
এই অঞ্চলৰ হাইস্কুল আৰু উচ্চতৰ মাধ্যমিকত সুখ্যাতিৰে উত্তীৰ্ণ হোৱা ছাত্ৰ-ছাত্ৰীৰ লগতে সামাজিক বয়জ্যেষ্ঠ ব্যক্তিক অভিনন্দন আৰু সম্বৰ্ধনা জনোৱা হয়। অনুষ্ঠানটোৰ আঁত ধৰে বিহু পৰিচালনা সমিতিৰ সভাপতি জাকিৰ হুচেইনে, সম্পাদক মানৱেন্দ্ৰ হালৈ, ভৱেশ বৰদলৈয়ে।
অনুষ্ঠানটি কৃতিত্ব প্ৰদৰ্শন কৰা ছাত্র-ছাত্ৰী সম্বৰ্ধনা জনাই শিক্ষাবিদ দীনেশ শৰ্মা, যুৱনেতা হৰেকৃষ্ণ কলিতা আদিয়ে।