বৰপেটাৰোডঃ বাণিজ্য চহৰ বৰপেটাৰোডত শেহতীয়াভাৱে চুৰি কাণ্ড সঘনে হোৱা পৰিলক্ষিত হৈছে। ইতিমধ্যে বৰপেটা ৰোড আৰক্ষীয়ে কেবাটাও দুৰ্ধষ চোৰৰ চক্ৰক আৰক্ষীয়ে আটক কৰি জেললৈ পঠোৱাৰ পিছতো চহৰখনত চোৰৰ উৎপাত কমি যোৱা নায়৷
ঠিক তেনেদৰে বৰপেটা ৰোডত কৃত্ৰিম বানপানীৰ সময়ত প্ৰায়বোৰ উপ-পথতে পানী ১ ৰপৰা ৩ ফুট পৰ্যন্ত ৰাইজৰ ঘৰ বাৰী ডুব যোৱাৰ গইনা লৈ দেওবাৰে নিশাও চহৰখনৰ গাহৰি বজাৰত এক চুৰি কার্য সংঘটিত হয়৷
জানিব পৰা মতে গাহৰি বজাৰৰ উৰ্ৱশী মাৰ্কেটৰ ই-কম এক্সপ্ৰেছ নামৰ এটি কুৰিয়াৰ চাৰ্ভিছ চেন্টাৰত দেওবাৰে নিশা চোৰ সোমাই চোৰে দৰ্জাৰ তলা ভাঙি ভিতৰত সোমাই টকা জমা ৰখা লকাৰটোকে উঠাই লৈ যোৱাৰ লগতে উক্ত লকাৰটোত প্ৰায় ৬০ হেজাৰ টকা আছিল৷