বৰপেটা ৰোডঃ নামনি অসম বণিজ্যিক প্ৰধান চহৰৰ ৰে’ল ষ্টেচনৰপৰা দুটা শিশুক উদ্ধাৰ কৰিবলৈ সক্ষম হয়। বৰপেটাৰোড আৰ. পি. এফ ৰ উপ পৰিদৰ্শক সুভাষ চন্দ্ৰ ডেকা আৰু কনিষ্ঠবল ৰানা দাসে বৰপেটাৰোড ৰে’ল ষ্টেচনত দেওবাৰে প্ৰায় ১.৩০ বজাত দুটা শিশু ঘূৰা ফুৰা কৰি থকা দেখি দুটা শিশুক আটক কৰি আৰ. পি.এফৰ কাৰ্য্যালয়ত লৈ গৈ সুধা পোছা কৰাত শিশু দুটাৰ ঘৰ বঙাইগাঁও জিলাৰ অভয়াপুৰীৰ গনবীন্না গাঁওৰ মানোহৰ হুছেইন (১১) বছৰ উমৰ আলি (8) বুলি পৰিচয় দিয়ে।
সম্বন্ধত দুয়ো ভাই ককাই লগতে ঘাত মাউৰা আছিল। সোমবাৰে বৰপেটাৰোড আৰ. পি. এফে উদ্ধাৰ কৰা দুটা শিশুক বৰপেটা শিশু সুৰক্ষা কেন্দ্ৰলৈ প্ৰেৰণ কৰে। উল্লেখযোগ্য যে, বৰপেটাৰোড আৰ. পি.এফ ৰ উপ পৰিদৰ্শক সুভাষ চন্দ্ৰ ডেকাৰ নেতৃত্বত বিগত মে’ মাহত এটা দুষ্ট চক্ৰই বহি ৰাজ্যলৈ বিক্ৰী কৰিব নিয়াৰ পথতে বৰপেটা ৰোড ৰেল ষ্টেচনত চাৰিটা কৈ শিশু উদ্ধাৰ কৰিবলৈ সক্ষম হৈছিল।