107
নতুন দিল্লীঃ ব্যাপক জল্পনা-কল্পনাৰ অন্তত অসমত উপ-নিৰ্বাচন অনুষ্ঠিত হ’বলগীয়া ৫ বিধানসভা সমষ্টিৰ ভোটগ্ৰহণৰ দিন আজি ঘোষণা কৰা হৈছে৷ ৫টা সমষ্টিক লৈ অসমৰ ৰাজনৈতিক পৰিৱেশ গৰম হৈ থকাৰ সময়তে মঙলবাৰে নতুন দিল্লীত অসমৰ ৫ সমষ্টিৰ ভোটগ্ৰহণৰ দিন ঘোষণা কৰা হয়৷
নতুন দিল্লীত অনুষ্ঠিত কৰা সংবাদমেলযোগে ভাৰতৰ নিৰ্বাচনী আয়োগে দুখন ৰাজ্যৰ বিধানসভা নিৰ্বাচনৰ দিন ঘোষণা কৰাৰ লগতে দেশৰ ৪৭ টা বিধানসভা সমষ্টি আৰু এটা লোকসভা সমষ্টিৰ উপ-নিৰ্বাচনৰ দিন ঘোষণা কৰিছে৷ ভাৰতৰ নিৰ্বাচনী আয়োগৰ মুখ্য নিৰ্বাচনী আয়ুক্ত ৰাজীৱ কুমাৰে ঘোষণা কৰা অনুসৰি ৪৭টা বিধানসভা সমষ্টিৰ সৈতে অসমৰো ৫টা সমষ্টিত উপ-নিৰ্বাচন অনুষ্ঠিত হ’ব৷