92
নতুন দিল্লীঃ জাতিগত সংৰক্ষণ ব্যৱস্থাৰ বাবে দেশ ৰসাতলে গৈছে। যদিহে একমত তেন্তে এই ফটোখন শ্বেয়াৰ কৰক। ইমান শ্বেয়াৰ কৰক যাতে ফটোখন গৈ প্ৰধানমন্ত্ৰী-ৰাষ্ট্ৰপতিৰ কাষ পাইগৈ। ২০১৩-১৪ চনৰ পৰা ফেচবুকত এনেদৰে ভাইৰেল হৈ পৰিছিল সংৰক্ষণ ব্যৱস্থা বিৰোধী একাধিক প্ৰতীকি ফটো।
ইমানকৈ শ্বেয়াৰ কৰাৰ পিছত অৱশেষত যেন সেই প্ৰতীকি ফটো চৰকাৰৰ কাষ পালে! ফেচবুকত কোটিৰ ঘৰত শ্বেয়াৰ হোৱা ফটোখন পাওক বা নাপাওক লোকসভা নিৰ্বাচনৰ বৈতৰণী পাৰ হ’বলৈ নৰেন্দ্ৰ মোদী চৰকাৰে হাতত লৈছে বিশেষ পদক্ষেপ। এই অনুযায়ী জাতিগত সংৰক্ষণ ব্যৱস্থাৰ পৰিৱৰ্তে আৰ্থিক দিশক লৈ সংৰক্ষণত গুৰুত্ব আৰোপ কৰিছে মোদী চৰকাৰে।
