শিমলুগুৰিত চুইফট গাড়ী চুৰি, কথমপি প্ৰাণ ৰক্ষা চালকৰ

শিমলুগুৰিঃ গুৱাহাটীৰ পৰা ভাড়া কৰি আনি চালকক প্ৰাণে মৰাৰ চেষ্টা কৰি ভাড়াতীয়াই কাঢ়ি নিলে চুইফট ডিজায়াৰ। কথমপি প্ৰাণৰক্ষা চালকৰ৷ চালকৰ ভাষ্য অনুযায়ী দেওবাৰে গুৱাহাটী ৰাজধানী মছজিদ ষ্টেণ্ডৰ পৰা যোৰহাটলৈ বুলি দুজন ব্যক্তিয়ে AS01-BQ-3588 নম্বৰৰ চুইফট ডিজায়াৰ খন ভাড়া কৰে৷

কিন্তু ভাড়া লৈ গাড়ীখন শিৱসাগৰ জিলাৰ শিমলুগুৰি থানাৰ অন্তৰ্গত বাহগড় পাওতেই গাড়ীৰ পাছফালৰ ছিটত বহা লোক দুজনে চালক আমিনুল ৰহমানক ডিঙিত পাছফালৰ পৰা ৰছীৰে চেপি ধৰি হত্যাৰ চেষ্টা চলায়৷