চাবুৱাত নাগৰিকত্ব বিধেয়ক বাতিলৰ দাবীত ছাত্ৰ সন্থাৰ অনশন

ডিব্ৰুগড়ঃ নাগৰিকত্ব সংশোধনী বিধেয়ক ২০১৬ বাতিলৰ দাবীত সদৌ অসম ছাত্ৰ সন্থা আৰু ৩০ জনগোষ্ঠীয় সংগঠনৰ আহ্বানক্ৰমে সমগ্ৰ অসমৰ লগতে আজি চাবুৱাতো চাবুৱা আঞ্চলিক ছাত্ৰ সন্থাই ১০ ঘণ্টীয়া অনশন কাৰ্যসূচী ৰূপায়ণ কৰে৷

চাবুৱাৰ বাছ আস্থানৰ সমীপত ৰূপায়ণ হোৱা এই কাৰ্যসূচীত চাবুৱা আঞ্চলিক ছাত্ৰ সন্থাৰ সভাপতি ভাস্কৰ্য গগৈ, সাধাৰণ সম্পাদক অভিনন্দন সেনাপতি আৰু শিক্ষা সম্পাদক ভাইজান বাইলুংৰ নেতৃত্বত প্ৰায় ১০০ জন সদস্যই ভাগ লয়৷