চিলাৰায় মহাবিদ্যালয়ৰ ব্যাপক দুৰ্নীতিৰ তদন্ত ঘোষণা, তদন্তৰ দাবীত প্ৰতিবাদ কৰা ছাত্ৰক বহিস্কাৰ

গোলকগঞ্জঃ ধুবুৰী জিলাৰ ঐতিহ্যমণ্ডিত গোলকগঞ্জ চিলাৰায় মহাবিদ্যালয়ত সংঘটিত দুৰ্নীতিৰ বিৰুদ্ধে মাত মাতি এগৰাকী ছাত্ৰ মহাবিদ্যালয়ৰ পৰা বহিস্কাৰ হ’ব লগা হোৱা ঘটনাই তীব্ৰ চাঞ্চল্যৰ সৃষ্টি কৰিছে৷

মহাবিদ্যালয়খনত সংঘটিত দুৰ্নীতিৰ তদন্ত কৰাৰ দাবী উত্থাপন কৰাত মহাবিদ্যালয়খনৰ ছাত্র একতা সভাৰ প্ৰাক্তন সাধাৰণ সম্পাদক চন্দন ৰায়ক ২১ দিনৰ বাবে মহাবিদ্যালয় খনৰ পৰা বহিস্কাৰ কৰে৷ ইতিমধ্যে এই ঘটনাক লৈ অঞ্চলটোত তীব্ৰ চাঞ্চল্যৰ সৃষ্টি হোৱাৰ লগতে ধুবুৰী জিলা ছাত্র মুক্তি সংগ্ৰাম সমিতি এই কাণ্ডক গৰিহণা দিয়ে৷