চাবুৱাঃ যোৱা ১৭ দিন ধৰি সন্ধানহীন হৈ থকা ডিব্ৰুগড় জিলাৰ চাবুৱাৰ দ্বিতীয় শ্ৰেণীৰ ছাত্ৰ অনুৰাগ সোনাৰৰ সন্ধান উলিওৱাত আৰক্ষী ব্যৰ্থ হোৱাত সৃষ্টি হৈছে তীব্ৰ প্ৰতিক্ৰিয়াৰ৷
নিজ ঘৰৰ পৰা নিৰুদ্দেশ হৈছিল চাবুৱাৰ অাৰক্ষী থানাৰ অন্তৰ্গত হাতীআলি গাঁৱৰ পিতৃহাৰা দ্বিতীয় শ্ৰেণীৰ ছাত্ৰ অনুৰাগ।
কিন্তু ইমান দিনৰ পিছতো আৰক্ষীয়ে ছাত্ৰগৰাকীৰ সন্ধান উলিয়াব নোৱাৰাত তীব্ৰ ক্ষোভ ব্যক্ত কৰিছে সদৌ অসম মটক যুৱ-ছাত্ৰ পৰিষদে৷ সংগঠনটোৰ কেন্দ্ৰীয় সভাপতি যুগল বৰুৱা অাৰু সম্পাদক উজ্জল বৰুৱাই।
আৰক্ষীৰ বিৰুদ্ধে ক্ষোভ ব্যক্ত কৰি পুত্ৰ স্নেহত বলিয়া হৈ চকুলো টুকি সময় পাৰ কৰা অনুৰাগৰ মাতৃ মায়া সোনাৰৰ মুখলৈ চাই ছাত্ৰজনক উদ্ধাৰৰ ব্যৱস্থা কৰিবলৈ আহ্বান জনায় নেতাদ্বয়ে।
আৰক্ষীক দ্বিতীয় শ্ৰেণীৰ ছাত্ৰ নিৰুদ্দেশৰ ঘটনাটো গুৰুত্ব সহকাৰে লবলৈকো দাবী জনায় সংগঠনটোৱে৷ জনগোষ্ঠীয় সংগঠনটোৱে কণমানি ছাত্ৰ অনুৰাগ সোনাৰৰ কোনো লোকে সম্ভেদ পালে ৭৫৭৫৯-১৫৩৮৭ নম্বৰত যোগাযোগ কৰিবলৈ ৰাইজক অনুৰোধ জনাইছে পৰিয়ালৰ লোকসকলে।