61
গুৱাহাটীঃ অৱশেষত আওপকীয়াকৈ হ’লেও নাগৰিকত্ব সংশোধনী বিধেয়ক সন্দৰ্ভত মুখ খুলিলে মুখ্যমন্ত্ৰী সৰ্বানন্দ সোণোৱালে। নাগৰিকত্ব সংশোধনী বিধেয়ক শব্দকেইটা উল্লেখ নকৰাকৈ মুখ্যমন্ত্ৰীগৰাকীয়ে কয় যে অসমৰ খিলঞ্জীয়া ভূমিপুত্ৰসকলে যি কথাক লৈ চিন্তাত আছে, সেই চিন্তা চিৰদিনৰ বাবে নাইকিয়া কৰিবলৈ তেওঁৰ চৰকাৰ প্ৰতিশ্ৰুতিৱদ্ধ।
অসমৰ ৰাইজৰ সৈতে আলোচনা কৰি আগন্তুক দিনত কাম কৰি যাব বুলি উল্লেখ কৰি মুখ্যমন্ত্ৰীগৰাকীয়ে কয় যে অসমৰ খিলঞ্জীয়া লোকক সুৰক্ষা দিয়াৰ বাবেই তেওঁৰ দল চৰকাৰত অধিষ্ঠিত হৈছে। পূৰ্বৰ চৰকাৰে নিদিয়া সাংবিধানিক ৰক্ষা কবচ দিয়াৰ বাবে বিজেপি চৰকাৰে ব্যৱস্থা হাতত লৈছে বুলিও দাবী কৰে মুখ্যমন্ত্ৰীগৰাকীয়ে।
