হিন্দু বাংলাদেশীক গ্ৰেপ্তাৰ কৰি শাস্তিৰ সন্মুখীন ২৯ আৰক্ষী, হোজাইত প্ৰতিক্ৰিয়া

মোৰাঝাৰঃ সীমান্তৰ পহৰা দিয়া আৰক্ষীৰ চকীত ওলমিছে তলা৷ যোৱা দুদিন ধৰি তলা ওলমি আছে চকীসমূহত৷ অসম চৰকাৰৰ গৃহ বিভাগে অসম আৰক্ষীৰ সীমান্ত শাখাৰ ২৯ জনকৈ লোকক একেদিনাই বদলি কৰাত উদ্ভৱ হৈছে এনে পৰিস্থিতিৰ৷ অসম আৰক্ষীৰ এনে নজিৰবিহীন ঘটনাক লৈ হোজাই জিলাৰ লগতে সমগ্ৰ ৰাজ্যতে সৰৱ চৰ্চা অব্যাহত আছে।

হোজাই জিলাত দুজন অবৈধ হিন্দু বাংলাদেশীক গ্ৰেপ্তাৰ কৰাৰ পাছতে অসম আৰক্ষীৰ ২৯ জনকৈ লোকক তাৎক্ষণিকভাৱে বদলি কৰা বুলি ব্যাপক চৰ্চা আৰম্ভ হৈছে হোজাই জিলাত৷ পৰিদৰ্শক, হাবিলদাৰসহ ২৯ জন অসম আৰক্ষীৰ লোকক বদলি কৰাত হোজাই জিলাৰ দল-সংগঠনে তীব্ৰ প্ৰতিক্ৰিয়া প্ৰকাশ কৰে।