58
দেৰগাঁওঃ একাংশ আৰক্ষী বিষয়াই বীৰত্ব দেখুৱাই অহাটো ডাঙৰ কখা নহয়৷ ক্ষমতাৰ ৰাগীত মাতাল একাংশ আৰক্ষী বিষয়াই মানৱতাক সম্পূৰ্ণ উলংঘা কৰি অনৈতিক কাৰ্য সংঘটিত কৰাটো যেন তেওলোকৰ বাবে ফেশ্বনত পৰিণত হৈছে৷ দেওবাৰেও অসম আৰক্ষীৰ এগৰাকী বিষয়াই মানৱতাক ভৰিৰে মোহাৰি সংঘটিত কৰিলে বৰ্বৰ কাণ্ড৷ গোলাঘাট জিলাৰ দেৰগাঁৱত আৰক্ষী বিষয়াই এগৰাকী ৬৫ বছৰীয়া লোকক বৰ্বৰ ভাৱে নিৰ্যাতন চলোৱাৰ ঘটনাই মানৱ অধিকাৰ আইন উলাংঘা কৰাৰ নহয় মানৱতাক ভুলুন্ঠিত কৰে৷
জানিব পৰা মতে, দেৰগাঁৱৰ মাজুকুচি কৈৱত গাঁৱৰ এগৰাকী ৬৫ বছৰীয়া লোকে দেওবাৰে চোমনিগাঁও আৰক্ষী চকীৰ সন্মুখেৰে হাতীয়েখোৱা সাপ্তাহিক বজাৰত পাচলি বিক্ৰী কৰিবলৈ গৈ আছিল৷ দৰিদ্ৰ বৃদ্ধগৰাকীয়ে আৰক্ষী চকীৰ সন্মুখেৰে পাৰ হ’ব খোজেতেই আৰক্ষী বিষয়া শৰৎ কলিতাই বৃদ্ধগৰাকীক তেওৰ আৱাস গৃহলৈ মাতি নিয়ে৷
