ফখৰুল ইছলাম, দৰংঃ দৰঙৰ দলগাঁৱত পুখুৰীত উদ্ধাৰ আন এটা কিশোৰৰ মৃতদেহ৷ কালি দুপৰীয়া দলগাঁও টাউন মছজিদৰ পুখুৰীত গা ধুবলৈ গৈ পানীত ডুবি মৃত্যু হৈছিল অক্ষয় বসাক নামৰ এজন কিশোৰৰ৷ 

উক্ত ঘটনাৰ পিছতেই নিৰুদ্দেশ হৈ আছিল ছুপন বসাক। ছুপন বসাকৰ মৃতদেহ পুখুৰীত উপঙি থকা অৱস্থাত বৃহস্পতিবাৰে উদ্ধাৰ হয় একেখন পুখুৰীৰপৰা।  সমনীয়াৰ সৈতে কালি দুপৰীয়া দলগাঁও টাউন মছজিদৰ পুখুৰীত গা ধুই থাকোতে সংঘটিত হৈছিল শোকাৱহ টনাটো। 

খবৰ পাই ঘটনাস্থলীত দলগাঁও আৰক্ষীৰ দল উপস্থিত হৈ মৃতদেহ উদ্ধাৰ কৰি মৰনোত্তৰ পৰীক্ষাৰ বাবে মঙলদৈ অসামৰিক চিকিৎসালয়লৈ প্ৰেৰণ কৰে। একেখন পুখুৰীত দুজনকৈ কিশোৰৰ মৃত্যুৰ ঘটনাই সমগ্ৰ দলগাঁৱত শোঁকৰ ছা পৰিছে।