দৰংঃ আন আন বছৰৰ দৰে এইবাৰো দৰঙৰ খাৰুপেটীয়াৰ বেলতলীস্থিত ঈদগাহ ময়দানত ইছলাম ধৰ্মী লোকে ঈদ উল ফিটৰৰ নামাজ আদায় কৰে। অঞ্চলটোৰ প্ৰায় ২০ সহস্ৰাধিক ইছলাম ধৰ্মী লোকে দৰঙৰ সৰ্ববৃহৎ বেলতলী ঈদগাহ ময়দানত একেলগে ঈদৰ নামাজ আদায় কৰে৷
নামাজৰ ইমামতী কৰে আলহাজ মৌলানা তালেব উদ্দিন আহমেদ। উপস্থিত লোকসকলে বিশ্বশান্তি আৰু ভাতৃত্ববোধ অটুট ৰখাৰ বাবে নামাজৰ পিছত আল্লাৰ ওচৰত দোৱা কৰে।
আনহাতে, দলগাঁও জামে মছজিদ, খাৰুপেটীয়া জামে মছজিদতো হেজাৰ হেজাৰ ইছলাম ধৰ্মী লোকসকলে পৱিত্ৰ নামাজত অংশ গ্ৰহণ কৰে৷
ফখৰুল ইছলাম, দৰং