দৰঙৰ খাৰুপেটীয়া টাউনৰ মাজমজিয়াত আদবয়সীয়া অচিনাক্ত পুৰুষৰ মৃতদেহ উদ্ধাৰ

ফখৰুল ইছলাম, দৰংঃ দৰঙৰ খাৰুপেটীয়াৰ ১৫ নং ৰাষ্ট্ৰীয় ঘাইপথৰ দাঁতিত উদ্ধাৰ এগৰাকী অচিনাকি মৃতদেহ৷ মৃতদেহটোৰ বয়স অনুমানিক ৪৫ পৰা ৫০ বছৰ হ’ব৷ খাৰুপেটীয়া টাউনৰ মাজমজিয়াৰ হস্পিতাল কলনিৰোডলৈ যোৱা পথৰ নিমতলী দলংখনৰ সমীপতে মাটিত পেলাই থোৱা বিদ্যুৎ খুটাৰ ওপৰত শুই থকা অৱস্থাত মৃতদেহটো উদ্ধাৰ হয়৷

প্ৰত্যক্ষদৰ্শীয়ে জানিবলৈ দিয়া মতে লোকজনে দিনৰ ১১/১২ টা মান বজাৰপৰা উক্ত স্থানত বহি আছিল৷ দুই এজন পথচাৰীক হিন্দী ভাষাৰে মাতিছিল কিন্তু লোকজনক কোনেও সহাঁৰি দিয়া নাছিল৷ হয়তো অসুস্থ লোকজনে সহায় বিচাৰিছিল পথচাৰীৰপৰা৷ পিছত আবেলি তিনি বজাৰ পিছত লোকজন সেই ঠাইত শুই থকা অৱস্থাত মৃতদেহটো উদ্ধাৰ হয়৷