কোকৰাঝাৰত অৰ্ধ উলংগ অৱস্থাত মহিলাৰ মৃতদেহ উদ্ধাৰ

কোকৰাঝাৰঃ  কোকৰাঝাৰ থানাৰ অন্তৰ্গত চেচাঁপানী গাওঁত যোৱা নিশা এগৰাকী বিবাহিতা  মহিলাক অতি নিৰ্মমভাৱে দুৰ্বৃত্তই ডিঙিত কাপোৰেৰে ফাঁচি লগাই হত্যা কৰা ঘটনাই চাঞ্চল্যৰ সৃষ্টি কৰিছে৷ হত্যাৰ বলি হোৱা মহিলাগৰাকী সুখজান বিবি (৩৮) বুলি চিনাক্ত কৰা হৈছে৷

প্ৰাপ্ত বাতৰি মতে চেচাঁপানী গাওঁৰ আমিৰ আলি মণ্ডলৰ পত্নী সুখজান বিবিয়ে যোৱা কালি সন্ধিয়াৰ পৰা ৰহস্যজনকভাৱে সন্ধানহীন হৈ পৰাত পৰিয়ালৰ লোকে বিচাৰ খোচাৰ আৰম্ভ কৰে৷ বহু ঠাইত বিচাৰ খোচাৰ কৰাৰ অন্তত নিশা প্ৰায় ১১ বজাত ওচৰতে থকা ধাননি পথাৰত সুখজান বিবিৰ অৰ্ধ উলংগ মৃতদেহটো ফাঁচি লগোৱা অৱস্থাত উদ্ধাৰ হয়৷