বোকাজানঃ বিশিষ্ট সমাজকৰ্মী শিক্ষাবিদ, লেখক তথা হাওৰাঘাট উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ জিতেন বৰাৰ আজি ৯০ বছৰ বয়সত হাওৰাঘাটৰ নিজ বাসভৱনত মৃত্যু হয়৷
মৃত্যুৰ সময়ত পত্নী এজন পুত্ৰ সন্তান ইহসংসাৰত এৰি থৈ যায়৷ জিতেন বৰাই হাওৰাঘাট উচ্চতৰ মাধ্যমিক বিদ্যালয়ৰ প্ৰথমগৰাকী অধ্যক্ষ হিচাপে কাৰ্যনিৰ্বাহ কৰাৰ লগতে হাওৰাঘাটৰ বৌদ্ধিক, সামাজিক, ধৰ্মীয় আদি বিভিন্ন অনুষ্ঠানত সৈতে জড়িত আছিল৷
মঙল গ্ৰহত এসপ্তাহ, শংকৰ বিভ্ৰাটৰ প্ৰত্যুত্তৰৰ সমৰ্থনত, সৰ্বগুণাকাৰ শ্ৰীমন্ত শংকৰদেৱ, বৰদোৱা-বৰপেটাৰ বুৰঞ্জী, কীৰ্তনৰ ভক্তি তত্ত্বৰ সন্ধান আৰু হৰি ভক্তি ৰাজমাৰ্গ আদি ছখনকৈ কিতাপ ৰচনা কৰি সাহিত্যৰ ভড়াল চহকী কৰি থৈ গৈছে৷ তেওৰ মৃত্যুত অঞ্চলটোতে শোকৰ ছাঁ পৰে৷