তুলসীবাৰীৰ ভক্তই বিদায় দিলে দেৱী দুৰ্গাক

তুলসীবাৰীঃ শনিবাৰে শাৰদীয় দুর্গা পূজাৰ অন্ত পৰে৷ অন্তিম দিনটোত ৰঙিয়া মহকুমাৰ অন্তৰ্গত তুলসীবাৰীতো উলাহ-মালহেৰে বিজয়া দশমী পালন কৰা হয়৷

পুৱাৰে পৰা প্ৰতিকুল বতৰক নেওচি অঞ্চলটোৰ অগণন ভক্তই   দুখনকৈ পূজা মণ্ডপত ভীৰ কৰা পৰিলক্ষিত হয়৷ ঐতিহ্যমণ্ডিত তুলসীবাৰী বাৰোৱাৰী দুৰ্গা পূজা আৰু মাহতলী বাৰোৱাৰী দুৰ্গা পূজা মণ্ডপৰ পৰা ভক্ত সকলে হাতে হাতে ধুপ ধুনা লৈ শংখ ঘণ্টা আৰু ঢাকৰ শব্দৰে মুখৰিত কৰি দেৱী দুৰ্গাক লৈ সমগ্ৰ অঞ্চল পৰিভ্ৰমন কৰে৷