ডিব্ৰুগড়ঃ চাৰিওফালে এতিয়া হাহাকাৰ৷ ধাৰষাৰ বৰষুণে ডিব্ৰুগড় জিলাৰ লেজাই কলাখোৱা গাঁও, পানীমিৰি গাঁও, জাঁজীমুখ এতিয়া বানৰ কবলত৷
ব্ৰহ্মপুত্ৰৰ বুকুত উফন্দি অহা চেঁচা নদীৰ বাঢ়নি পানীয়ে সেই গাঁও অঞ্চলক এতিয়া জলমগ্ন কৰি তুলিছে৷ স্কুল, মানুহৰ বাসস্থানৰপৰা ৰাস্তা-পথত এতিয়া মাথোন বানপানী৷
কেইবাদিন ধৰি একাকাৰে বৰষুণ দিয়াৰ ফলত অলপ সময়ৰ পাছতে লেজাই এনে বানপানীৰ কবলত পৰে৷ যদি বৰষুণৰ পৰিমাণ হ্ৰাস নাপাই তেন্তে ডিব্ৰুগড়ৰ লগতে বানাগ্ৰস্ত সকলো অঞ্চলৰ পৰিস্থিতি ভয়ংকৰ হোৱাৰ সম্ভাৱনা আছে৷
