ডিগবৈত মুৰ্তি বিসৰ্জন দিবলৈ গৈ পুখুৰীত এজন যুৱকৰ সলিল সমাধি

ডিজিটেল ডেক্স, লিডু: বিজয়া দশমীৰ উল্লাস উদ্দিপনাৰ মাজতে তিনিচুকীয়া জিলাৰ ডিগবৈত সংঘটিত হয় এক ভয়ঙ্কৰ ঘটনা ৷ পুখুৰীত দেৱী বিসৰ্জন দিবলৈ গৈ সলিল সমাধি ঘটে সঞ্জয় বৈদ্য নামৰ এজন যুৱকৰ ৷
ডিগবৈৰ কালিবাৰী পূজা কমিটিৰ হৈ দেৱী বিসৰ্জন দিবলৈ গৈছিল যুৱকজন। দেৱীমাৰ প্ৰতিমুৰ্তী পানীত বিসৰ্জন দিবলৈ বুলি নামোতেই হঠাৎ সন্ধানহীন হৈ পৰে যুৱকজন ৷ ৰাইজৰ মাজত সৃষ্টি হয় চিঞৰ বাখৰ ৷ পৰিৱেশ ক্ৰমশ উত্তপ্ত হৈ পৰে ৷ যুৱক জনক বিছাৰি ৰাইজে বিসৰ্জনস্থলীত বুৰমাৰি সন্ধানৰ চেষ্টা চলাই যদিওঁ যুৱকজনৰ কোনো সম্ভেদ নোলোৱাত প্ৰশাসনক খবৰ দিয়া হয় ৷
স্থানীয় আই অ চিৰ প্ৰশাসনৰ চেফটিৰ বাবে ৰখা দুবাৰু সকলে যুৱকজনৰ সন্ধানৰ বাবে ঘটনাস্থলীলৈ গৈ বহু সময় ধৰি চেষ্টা চলাই যদিওঁ কোনো সম্ভেদ লাভ নকৰাত উত্তেজিত ৰাইজে খঙত দুবাৰু সকলকে অপদস্থ কৰে ৷ ।উত্তপ্ত ৰাইজে বহুত সময় ধৰি যুৱক জনক সন্ধান নোলোৱাত আই অ চি ৰ প্ৰশাসনে ৰখা দুবাৰুৱ সকলৰ নাওঁ পুখুৰীত বগৰাই পেলাই কৰ্মৰত দুবাৰো সকলক মাৰ ধৰ কৰিবলৈ ধৰে। ফলত পৰিস্থিতি অধিক উত্তপ্ত হৈ পৰে ৷
আৰক্ষীয়ে পৰিস্থিতি নিয়ন্ত্ৰনৰ বাবে লাঠী চার্জ কৰিব লগা হয় ৷ পাছত তিনিচুকীয়াৰ পৰা অতিৰিক্ত আৰক্ষী বিষয়াই লগত অনা ( কানো দাস) নামৰ এজন পাকৈত দুবাৰুৱে প্ৰায় ২০ তলৰ পৰা যুৱকজনৰ মৃতদেহ উদ্ধাৰ কৰিবলৈ সক্ষম হয়।
প্ৰশাসনে ততালিকৈ ঘটনা সংঘটিত হোৱা সেই পুখুৰিটোত বিসৰ্জন দিয়াটো বন্ধ কৰি দিয়ে ৷