108
বিশেষ প্ৰতিবেদনঃ দিহিং-পাটকাই বৰ্ষাৰণ্যত কয়লা খননক লৈ কৰ’না কালৰ মাজতে ছ’চিয়েল মিডিয়াযোগে ৰাজ্যজুৰি আৰম্ভ হৈছে ব্যাপক প্ৰতিবাদ। বৰ্ষাৰণ্যখনৰ অন্তৰ্গত হস্তীৰ বাবে সংৰক্ষিত বনাঞ্চলৰ ৯৮.৫৯ হেক্টৰ ভূমিত ক’ল ইণ্ডিয়া লিমিটেডক কয়লাৰ খনন চলাবলৈ অনুমোদন জনোৱাৰ কথা পোহৰলৈ অহাৰ পিছতে বিষয়টোক লৈ সৰৱ হৈ পৰে ৰাজ্যৰ প্ৰকৃতিপ্ৰেমী ৰাইজ তআথ দল-সংগঠনসমূহ।
উল্লেখ্য যে, যোৱা ৭ এপ্ৰিলত লকডাউনৰ মাজতে অনুষ্ঠিত হৈছিল নেশ্যনেল ব’ৰ্ড অব ৱাইল্ডলাইফ চমুকৈ এনবিডব্লিউএলৰ ষ্টেণ্ডিং কমিটিৰ বৈঠক। এই বৈঠকত অধ্যক্ষতা কৰিছিল কেন্দ্ৰীয় বন আৰু পৰিৱেশ মন্ত্ৰী প্ৰকাশ জাভড়েকাৰে। বৈঠকত মুঠ ১১ খন ৰাজ্যৰ বন্যপ্ৰাণী সুৰক্ষা বিষয়টোৰ সৈতে সাঙোৰ খাই থকা একাধিক উন্নয়নমূলক প্ৰকল্পত অনুমোদন জনোৱা হয়।
