ছাইদুল ইছলাম, ডিফুঃ কাৰ্বি আংলং জিলাৰ সৰবৰাহী ব্যক্তি, শিক্ষাবিদ আৰু ৰাজনীতিবিধ ওৱেলবৰ্ণ ক্ৰৰ আজি পুৱতি নিশা মৃত্যুৰ খবৰৰ পিছত জিলাখনত শোকৰ ছাঁ পৰিছে৷ জানিব পৰা মতে হৃদৰোগজনিত কাৰণত প্ৰয়াত ওয়েল বৰ্ণ ক্ৰ' এনইআৰআইএমত ভৰ্তি কৰা হৈছিল যদিও তেওঁত উভতাই ৰংথিয়াঙত বাসভৱনলৈ লৈ আহে আৰু আজি পুৱতি নিশা ৩ বজাত ডিফু অসাৰিক চিকিৎসালয়ত ক্ৰই শেষ নিশ্বাস ত্যাগ কৰে৷
ক্ৰৰ বিয়োগৰ খবৰ পাই কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে ওৱেলছন ক্ৰ'ৰ বাসগৃহলৈ গৈ শোকসন্তপ্ত পৰিয়াল বৰ্গৰ সৈতে সাক্ষাৎ কৰি সমবেদনা জ্ঞাপন কৰে আৰু আত্মাৰ সদগতি কামনা কৰে৷ আনকি মুখ্য কাৰ্যবাহী সদস্য তুলিৰাম ৰংহাঙে প্ৰয়াত ক্ৰ'ৰ সম্মানাৰ্থে চলিত মাহতে সম্পূৰ্ণ হ’বলগীয়া ৰংকিমিৰ চাছাৰলাঙচ' পেভাৰ ব্লক পথটো প্ৰয়াত ওৱেলবৰ্ণ ক্ৰ'ৰ নামেৰে নামেৰে নামাকৰণ কৰা হ’ব বুলি ঘোষণা কৰে৷ ৰংকিমি গাঁৱৰ গাঁওবুঢ়া ৰবিনছন ৰংপিয়ে গাঁওবাসীৰ হৈ তুলিৰাম ৰংপিৰ এনে পদক্ষেপক শলাগ লৈছে৷
প্ৰয়াত ওৱেলবৰ্ণ ক্ৰ'ৰ জীৱন বৃত্তান্ত:- প্ৰয়াল ওৱেলবৰ্ণ ক্ৰ' বৰ্তমান পশ্চিম কাৰ্বি আংলঙৰ আমৰি পৰিষদীয় সমষ্টিৰ পুটচাৰী গাঁৱত ১৯৫০ চনত জন্ম গ্ৰহণ কৰি ৰাজনৈতিক বিভাগত স্নাতকোত্তৰ কৰাৰ পিছত গুৱাহাটীৰ শিলপুখুৰীৰ ইউনাইটেড কমাৰ্চিয়েল বেংকত প্ৰবেছনাৰী বিষয়া হিচাপে নিযুক্তি লাভ কৰি পিছলৈ নাগালেণ্ডৰ ক'হিমাত বেংক মেনেজাৰ পদলৈ পদোন্নতি হয়৷
প্ৰয়াত ক্ৰ' ইংৰাজীত অনাৰ্চ হিচাপে সোণৰ পদক প্ৰাপ্ত ব্যক্তি হিছাপে মেঘালয়ৰ প্ৰথমগৰাকী মুখ্যমন্ত্ৰী জে়জে়এম় নিক'লাছ ৰয়ৰ পৰা পদক গ্ৰহণ কৰে৷ তেওঁ আমৰি পৰিষদীয় সমষ্টিৰ প্ৰথম গৰাকী স্নাতকোত্তৰ ব্যক্তি আছিল বুলি জানিব পৰা গৈছে৷ মৃত্যুৰ আগলৈকে প্ৰয়াত ওয়েলবৰ্ণ ক্ৰ' অট' নমাছ ষ্টেট ডিমাণ্ড কমিটি চমুকৈ এএছডিচিৰ কেন্দ্ৰীয় কাৰ্যনিৰ্বাহকৰ পদ অলংকৃত কৰি থকাৰ লগতে কাৰ্বি আংলং মৰ্ণিং ষ্টাৰ ফুটবল ক্লাবৰ প্ৰতিষ্ঠাপক সদস্য আৰু নানা সামাজিক কামত ওত:প্ৰোতভাৱে জড়িত আছিল৷